Բավ է պառակտվել
20-02-2021 12:06

Տագնապալի նշաններ ամենուր․ վերջին վեց տարիներն ամենաշոգն են եղել դիտարկումների ամբողջ պատմության ընթացքում․ ՄԱԿ

ԱՄՆ-ի վերադարձը Կլիմայի փարիզյան համաձայնագիր դրա խնդիրների իրականացման հույս է ներշնչում, չնայած կլիմայի փոփոխությունն ուժ է հավաքում, և վերջին վեց տարիներն ամենաշոգն են եղել դիտարկումների ամբողջ պատմության ընթացքում։ Այս մասին ասել է ՄԱԿ գլխավոր քարտուղար Անտոնիու Գուտերիշն ուրբաթ օրը, տեսակապով ելույթ ունենալով ԱՄՆ-ի՝ Կլիմայի հարցերով համաձայնագիր վերադառնալուն նվիրված հատուկ միջոցառման ժամանակ։ Ելույթը հեռարձակվել է ՄԱԿ կայքով։

«Տագնապալի նշաններ են ամենուր։ 2015 թվականից սկսած վեց տարիներն ամենաշոգն են եղել դիտարկումների ամբողջ պատմության ընթացքում։ Երկօքսիդի մակարդակը հասել է ռեկորդային ցուցանիշի։ Ամբողջ աշխարհում ավելանում է հրդեհների, ջրհեղեղների և այլ բնական աղետների թիվը։ Եթե մենք ոչինչ չփոխենք՝ կբախվենք ջերմաստիճանի երեք աստիճանով աղետալի բարձրացմանն»,- ասել է նա։

Գուտերիշը կրկին ողջունել է ԱՄՆ-ի վերադարձը Փարիզի համաձայնագիր, հույս հայտնելով, որ Ամերիկայի Միացյալ Նահանգների նախագահ Ջո Բայդենը կկատարի իր խոստումը և պաշտոնապես կհաստատի մինչև 2050 թվականն արտանետումների զրոյական մակարդակին հասնելու մտադրությունը։ «Այժմ համաձայնագիրը գործում է այն տեսքով, ինչպիսին պետք է լիներ դրա ստեղծողների պատկերացմամբ»,- հավելել է ՄԱԿ-ի գլխավոր քարտուղարը։
ԱՄՆ ծրագրերը

Կլիմայի հարցերով ԱՄՆ նախագահի հատուկ հանձնակատար Ջոն Քերին իր խոսքում վերահաստատել է ԱՄՆ մտադրությունը ակտիվորեն ներգրավվել այն երկրների կոալիցիան ընդլայնելու գործում, որոնք Բայդենի նախաձեռնած ապրիլյան գագաթնաժողովում և նոյեմբերին Գլազգոյում կայացած կլիմայական կոնֆերանսում պարտավորվել են կրճատել ջերմոցային գազերի արտանետումները։ Նա նշել է, որ խոսում է նաև Ռուսաստանի, Չինաստանի և Հնդկաստանի մասին: «Բոլորը պետք է մաս կազմեն այս աշխատանքին: Չինաստանը, որին բաժին է հասնում ջերմոցային գազերի արտանետումների ամենամեծ քանակը, պետք է մասնակցի մինչև 2030 թվականը դրանք որոշակի մակարդակի իջեցնելու ջանքերին։ Հնդկաստանը, Ռուսաստանը, Ճապոնիան, բոլոր խոշոր պետությունները պետք է մաս կազմեն այդ աշխատանքին»,- ասել է Քերին:

«Մենք վերադառնում ենք Փարիզի համաձայնագրին խոնարհ, բայց հավակնոտ: Խոնարհ, որովհետև մենք կորցրեցինք չորս տարի, երբ ԱՄՆ-ը չէր անդամակցում համաձայնագրին, և քանի որ գիտենք, որ ոչ մի երկիր չի կարող ինքնուրույն դիմակայել այդ մարտահրավերին», - հավելել է կլիմայի հարցերով ԱՄՆ նախագահի հատուկ հանձնակատարը: - Եվ հավակնոտ, քանի որ միայն Փարիզի համաձայնագրերը բավարար չեն մեր նպատակներին հասնելու համար»:

Փարիզի համաձայնագիրն ընդունվել է 2015 թվականի դեկտեմբերի 12-ին կլիմայի փոփոխության մասին շրջանակային կոնվենցիայի 21-րդ համաժողովից հետո: Մասնակից երկրները պայմանավորվել են կանխել մինչև 2100 թվականը մոլորակի միջին ջերմաստիճանի բարձարցումն ավելի քան երկու աստիճանով ՝ համեմատած նախաարդյունաբերական դարաշրջանի հետ: Համաձայնագիրը երկրների կամավոր պարտավորություններ է ենթադրում ջերմոցային գազերի արտանետումները նվազեցնելու հարցում։

Փոխվարչապետը նշել է միջազգային ավիահաղորդակցությունը վերսկսելու պայմանները
Պուտինն ակնկալում է, որ իրանական միջուկային գործարքը կվերականգնվի նախկին շրջանակներում
Մակրոնը ներկայացրել է COVID-19-ի պատճառով մտցված բոլոր սահմանափակումները չեղարկելու պլանները
«Ազատություն Ադրբեջանում հայ գերիներին»․ հայերը ակցիաներ կանցկացնեն Ռուսաստանի, ԱՄՆ, Եվրոպայի, Իսրայելի խոշոր քաղաքներում
Կոնգրեսականները կոչ են արել ԱՄՆ կառավարությանը դադարացնել անվտանգության ոլորտում Ադրբեջանին տրվող օգնությունը