Իրանում բժիշկենրը յորաքանչյուր 10 րոպեն մեկ արձանագրում են կորոնավիրուսից մահվան մեկ դեպք։
Այս մասին հայտնել է տեղական IRNA տեղեկատվական գործակալությունը։
Իրանի առողջապահության նախարարության ներկայացուցիչ Քիանուշ Ջահանպուրան հայտնել է, որ գործակալության տվյալներով՝ ամեն ժամ կորոնավիրուսով վարակվում է 50 մարդ: Միևնույն ժամանակ, յուրաքանչյուր 10 րոպե մահանում է մեկ հիվանդ:
“Վերջին տվյալներով, յուրաքանչյուր տասը րոպեն մեկ մարդ մահանում է: Հաշվի առնելով այս տեղեկատվությունը, ես խորհուրդ եմ տալիս գիտակցված որոշում կայացնել Նովրուզի օրերին (Ամանոր՝ ըստ իրանական օրացույց - խմբ.) գործուղումների և հանդիպումների մասին”, - ասել է պաշտոնյան:
Նա նաև հորդորել է, որ մարդիկ տանը մնան, որպեսզի ապահով լինեն և կանխեն կորոնավիրուսի տարածումը:
Պաշտոնյան նշել է, որ ԱՄՆ պատժամիջոցների պատճառով Իրանը չի կարող լիովին օգտվել համաշխարհային բժշկական օգնությունից կորոնավիրուսը հաղթահարելու, ինչպես նաև անհրաժեշտ սարքավորումներ և դեղամիջոցներ ձեռք բերելու համար:
Ներկայումս Իրանում կորոնավիրուսից վարակվել է ավելի քան 17 հազար մարդ, նրանցից 1135-ը մահացել է: