Թուրքիայում և Սիրիայում ուժեղ երկրաշարժի հետևանքով զոհվել է ավելի քան երկու հարյուր մարդ, ավերվել են հարյուրից ավելի շենքեր։ ԱՄՆ Երկրաբանական ծառայությունը հայտնել է, որ 7,8 մագնիտուդով երկրաշարժը տեղի է ունեցել տեղական ժամանակով 04:17-ին, 17,9 կմ խորության վրա։
Սիրիայում երկրաշարժի զոհերի թիվը հասնում է 237-ի, այս մասին հայտնում է Al Ekhbariya հեռուստաալիքը՝ հղում անելով արաբական հանրապետության առողջապահության նախարարությունից ստացված տեղեկատվությանը։ Զոհերի թիվը վերջին ժամերին ավելացել է՝ հասնելով 600-ի։
Արաբական հանրապետության առողջապահության նախարարի օգնական Ահմեդ Դումեյրիան ընդգծել է, որ «սրանք դեռ վերջնական թվեր չեն, և զոհերի թիվը կարող է աճել, քանի որ փրկարարական աշխատանքները շարունակվում են»։ Նրա խոսքով՝ այս պահին Հալեպում 59, Լաթաքիայում՝ 51, Համայում՝ յոթ զոհերի մասին հաղորդումներ են ստացվել։
Հստակեցվում է նաև, որ երկու հայ է զոհվել, աշխատանքներ են տարվում Թուրքիայում տուժած հայերի վերաբերյալ տվյալներ ձեռք բերելու ուղղությամբ՝ ԱԳՆ-ն։