Ս․թ․ նոյեմբերի 8-ից ԱՄՆ մեկնող օտարերկրացիներն ԱՄՆ օդային սահմանը կարող են հատել միայն ՔՈՎԻԴ-19-ի դեմ լիարժեք պատվաստված լինելու և մուտքին նախորդող երեք օրվա ընթացքում հանձնած թեստի բացասական արդյունք ներկայացնելու դեպքում, հայտնում է ՀՀ–ում ԱՄՆ դեսպանատունը։
Դիվանագիտական ներկայացուցչության ֆեյսբուքյան էջում հրապարակված հաղորդագրությունում նշվում է, որ բացառությունները խիստ սահմանափակ են։
Բացի այդ, պահանջվում է նաև հետևել տեղում գործող սանիտարահամաճարակային պահանջներին, ինչպիսիք են՝ դիմակ դնելը, ձեռքերը լվանալը։
Մանրամասն տեղեկություններին կարելի է ծանոթանալ հղումով։