Ուզբեկստանի Սամարղանդ քաղաքի Ռեգիստան հրապարակում ավարտվել է երկրի նախագահ Իսլամ Քարիմովի վերջին հրաժեշտի արարողությունը: Մահմեդական ավանդույթի համաձայն 21-մետրանոց սավանով փաթաթած, նրան ձեռքերի վրա տարել են թաղման վայր, պատմել են արարողությանը մասնակցած դիվանագետները:
Քարիմովը թաղվելու է Շահի Զինդա հայտնի հին գերեզմանատանը՝ իր ծնողների կողքին: Նրա գերեզմանը գտնվում է XIX դարի Հազրեթ-Հիզր մզկիթի մոտ:
Նախագահի մարմինը բերել են նրա հարազատները եւ մտերիմները, պատմել են ականատեսները:
Ռեգիստանի հրապարակից մինչեւ Շահի Զինդա երկու կմ է: Քարիմովի դագաղն ուղեկցել է մի քանի հազար մարդ՝ քաղաքացիներ, քաղաքական գործիչներ եւ օտարերկրյա պատվիրակություններ:
Ուզբեկստանում եռօրյա սուգ է հայտարարվել: