Հարավային Կորեայում հայտնաբերվել է Naegleria Fowleri տիպի «ուղեղ ուտող» ամեոբայով վարակվելու առաջին դեպքը։
Ինչպես հայտնում է «Аргументы и факты» թերթը՝ վկայակոչելով Կորեայի հիվանդությունների վերահսկման և կանխարգելման գործակալությանը, վարակը հաստատվել է մի տղամարդու մոտ, ով մահացել է Թաիլանդից վերադառնալուց տասն օր անց։ Հիվանդության ընթացքում նա ունեցել է գլխացավ, փսխում, ջերմություն, խոսքի խանգարումներ և մի շարք այլ ախտանիշներ։
Գործակալությունը կպարզի, թե կոնկրետ ինչպես է հիվանդը վարակվել։ Սովորաբար ամեոբան քթով ներթափանցում է օրգանիզմ, մտնում ուղեղ ու վարակում այն՝ առաջացնելով ամեոբային մենինգոէնցեֆալիտ։ Լրատվամիջոցները գրում են, որ ախտանշաններն արագ են զարգանում, իսկ վարակը մահացու է։