բավ է պառակտվել
24-10-2020 02:14

ԱՄՆ Կոնգրեսական Ադամ Շիֆը կոչ է արել ճանաչել Արցախի անկախությունը

Կոնգրեսական Ադամ Շիֆն Ամերիկայի Միացյալ Նահանգներին կոչ է արել ճանաչել Արցախի Հանրապետության անկախությունը: Այս մասին Շիֆը գրել է «Ֆեյսբուք»-ի իր էջում:

«Արդեն մոտ մեկ ամիս է, ինչ Ադրբեջանն ու Թուրքիան պատերազմ են սանձազերծել Արցախի դեմ՝ ռմբակոծելով քաղաքացիներին, եկեղեցիները և իրականացնելով պատերազմական հանցագործություններ: Տասնյակ քաղաքացիներ են զոհվել: Արցախի քաղաքացիական բնակչության կեսից ավելին տեղահանվել է: Ես պաշտոնապես կոչ եմ անում ԱՄՆ-ին՝ ճանաչել Արցախի Հանրապետության անկախությունը»,- գրել է կոնգրեսականը:

Շիֆը նշել է, որ չի կարելի թույլ տալ, որպեսզի պատմությունը կրկնվի:

«Եթե Ադրբեջանն ու Թուրքիան որոշել են պատերազմել, ԱՄՆ-ն, Մինսկի խումբը և միջազգային հանրությունը պետք է հստակ հասկացնեն, որ նրանք չեն կարող հասնել իրենց նպատակներին: Ալիևն ու Էրդողանը պետք է հասկանան, որ, եթե նրանք շարունակեն պատերազմը, դա կունենա իր հետևանքները: Միացյալ Նահանգները չի կարող ձեռքերը ծալած նստել: Ես կանգնած եմ Հայաստանի կողքին: Ես կանգնած եմ Արցախի կողքին»,- եզրափակել է Ադամ Շիֆը:

ԱՄՆ Գլենդել քաղաքը ճանաչեց Արցախի անկախությունը
ԱՀ ԱԳՆ հայտարարությունը՝ Արցախի Հանրապետության անկախությունը ճանաչելու վերաբերյալ
Ամերիկյան Մինեսոտա նահանգը ճանաչել է Արցախի անկախությունը
Ճանաչո՞ւմ ես ինձ։ Ճանաչի՛ր Արցախը. Արթուր Ալեքսանյան
Ո՞ր երկրներում են ճանաչել Արցախի անկախությունը (լուսանկարներ, տեսանյութ)