Բավ է պառակտվել
15-06-2022 23:08

Ֆրանսիայում և Իսպանիայում անոմալ շոգ եղանակ է

Անոմալ բարձր ջերմաստիճան է հաստատվել Ֆրանսիայի և Իսպանիայի շատ շրջաններում, հայտնում են եվրոպական լրատվամիջոցները։

Ֆրանսիայի օդերևութաբանական ծառայությունները շոգի պատճառով վտանգի բարձր մակարդակ են հայտարարել 23 դեպարտամենտում։ Նրանք նշում են, որ տարվա այս եղանակի համար նման շոգն անոմալ է։

Չորեքշաբթի ավելի վաղ օդի ջերմաստիճանը Թուլուզում հասել էր 35 աստիճանի, Լիոնում՝ 36, Բորդոյում՝ 33 աստիճանի: Օդերևութաբաններն ահազանգում են, որ առաջիկա օրերին շոգ եղանակը կպահպանվի։

Հինգշաբթի օրը ջերմաստիճանը 40-ից բարձր կլինի Ֆրանսիայի Ատլանտյան օվկիանոսի ափամերձ շրջաններում, իսկ ուրբաթ՝ երկրի հարավում:

Շոգ եղանակ է նաև Իսպանիայում։ Չորեքշաբթի օրը երկրի շատ շրջաններում ջերմաստիճանը գերազանցել է 40 աստիճանը։ Վտանգի բարձր մակարդակ է հայտարարվել Իսպանիայի 17 շրջաններից 9-ում։

Հայաստանում անոմալ շոգը կզիջի դիրքերը․ երկրին է մոտենում սևծովյան ցիկլոնը
Մայիսի 21-ին և 22-ին Հայաստանում կանխատեսվում են անոմալ շոգեր
Նորվեգիայի կղզիներից մեկում հայտնաբերվել է Քրիստոսի ժամանակների տարօրինակ գործարան (լուսանկար)
Շվեյցարիայի օդային տարածքը փակ է համակարգի տեխնիկական խափանման պատճառով
Կուբայում հորդառատ անձրևները հանգեցրել են զոհերի և ավերածությունների