Բավ է պառակտվել
21-02-2021 12:28

Հայկական խոհանոցի 5 համեղ ուտեստները Մեծ պահքի օրերին (լուսանկարներ)

Եթե արդեն ձանձրացրել եք հայտնի պասային ուտեստներից և ավելի վառ համային զգացողություններ եք փնտրում, ապա այս բաղադրատոմսերն անպայման ձեզ դուր կգան: Այս ուտեստները շատ թեթև են և հեշտ են պատրաստվում, միևնույն ժամանակ՝ ծախսատար չեն:

Պահքի ընթացքում կարող եք ուտել ոչ միայն կուշտ, այլ նաև շատ համեղ: Չնայած այս շրջանը շատերի համար կապված է ոչ համեղ սննդի հետ, իրականում դա այդպես չէ: Հայկական խոհանոցի ուտեստները կօգնեն հաղթահարել կարծրատիպը:

«Հայ խոհարարական ավանդույթների զարգացում և պահպանում» հասարակական կազմակերպության անդամ, շեֆ-խոհարար Աննա Մաթևոսյանը նշում է, որ չնայած պահքի շրջանում օգտագործվում են բացառապես բուսական ծագման մթերքներ, դա չի խանգարում, որ ուտեստները լինեն սննդարար, ախորժելի և շատ համեղ:

Փորձագետը Sputnik Արմենիային առաջարկում է պահքի մենյուի լավագույն 5 ավանդական բաղադրատոմսերը, որոնք շատերը կսիրեն:

«Մշոշ»


Ավանդական հայկական «Մշոշ» ուտեստի անվանումն առաջացել է «մըշմոշ» բառից, որը հին հայերենից թարգմանաբար նշանակում է ծիրանի չիր: Այն տարածված էր հատկապես Արևմտյան Հայաստանի հայերի շրջանում:

Մաթևոսյանն պատմում է, որ ուտեստը պատրաստելիս օգտագործվում է չոր ծիրան (ծիրանի չիր), սալորաչիր և ընկույզ: Այս ուտեստի պատրաստումը բավականին պարզ է: Անհրաժեշտ է տապակել սոխը մինչև ոսկեգույն, նախապես ավելացնել ջրի մեջ թրջած ոսպն ու շոգեխաշել: Դրանից հետո ավելացվում են չրերն ու ընկույզը և եփում մինչև պատրաստ լինելը:

Սեզոնային կանաչի


Պասային ճաշացանկում առանձնահատուկ տեղ են զբաղեցնում սեզոնային խոտաբույսերից պատրաստված ուտեստներն: Ըստ Մաթևոսյանի, նախքան պատրաստելը պետք է դրանց վրա եռման ջուր լցնել:

Կախված կանաչիի տեսակից՝ դրանք կարելի է ուտել, ավելացնելով չրեր, ընկույզ, ձու կամ շոգեխաշել սոխով: Մաթևոսյանը հիշեցնում է, որ կանաչին պետք է եռացած ջրի մեջ պահել ոչ ավելի, քան հինգ րոպե:

Ավելուկ

Ավելուկը (ձիու թրթնջուկ) հայկական ավանդական խոհանոցի սիրված բաղադրիչն է: Այն ավելացնում են աղցանների, ապուրների մեջ կամ շոգեխաշում ձիթապտղի յուղի մեջ: Մաթևոսյանը նշում է, որ ավելուկը բարելավում է աղեստամոքսային համակարգի աշխատանքը, հեշտամարս է:

«Ավելուկը դառը խոտ է, ուստի այն պետք է եփելուց առաջ 30 րոպե թրջել ջրի մեջ: Արդան խաշած կանաչին օգտագործում են ճաշ և աղցան պատրաստելու համար», - ասում է Մաթևոսյանը:

Բաղադրատոմսերից մեկը․ սոխը շոգեխաշում ենք, ավելացնում սխտոր, ավելուկ, աղ, պղպեղ, շաղ տալիս ընկույզ: Մատուցվում է չորացած հացով և նռան հատիկներով:

Արիշտա

Արիշտան կամ տնական հատուկ վերմիշելը սիրված է ինչպես տեղի հայերի, այնպես էլ զբոսաշրջիկների շրջանում: Ընդունված է այն մեծ քանակությամբ պատրաստել, քանի որ ավանդական ձմեռային պատրաստուք է։

«Ալյուրից, ջրից և աղից պատրաստում ենք պինդ խմոր: Գրտնակում ենք ու կտրում բարակ երկար շերտերի», - պատմում է Մաթևոսյանը:

Հետո խմորը տապակում ենք տապակի մեջ և պահում աղով ձմռան համար: Պատրաստուքն օգտագործում ենք որպես ուտեստների հիմք. Եփում ենք, մատուցում խավարտների հետ կամ մածունի և սխտորի սուսով:

Փլավ «Արարատ»

Ավանդական հայկական փլավ, որը պատրաստվում է նաև Զատկի տոնին: Նախ, լվանում ենք բրինձը, կտրատում չիրը և ընկույզը: Կաթսան դնում ենք կրակին, բրինձի վրա ջուր լցնում և եփում մոտ 20 րոպե:

Մեկ այլ տապակի մեջ յուղով տապակում ենք չրերը, չամիչը և ընկույզը: Պատրաստի բրինձը քամում ենք և ողողում հոսող ջրի տակ:

Կաթսան դնում ենք կրակին և «հավաքում» մեր փլավը. Առաջին շերտով լցնում ենք բրինձը, ծածկում վերևից չրերով և ցածր կրակի վրա եփում մինչև 5 րոպե:

Բարի՛ ախորժակ։

Զրույց «Բելգիայի Ձայնի» 9-րդ եթերաշրջանի թեկնածու Հասմիկ Շիրինյանի հետ
Ի՞նչպես ֆուտբոլիստ Պելեն դարձավ երգիչ Արմենի․
Քիմ Քարդաշյանն ու Քանյե Ուեսթը բաժանվում են․ ո՞ւմ հետ կմնան երեխաները
Ֆրանսիայում կապում են ջեռուցման համակարգին, Հայաստանում մահճակալին․ նոր ներկայացում՝ Ստանիսլավսկիում
Հայտարարվել են «Ոսկե գլոբուս 2021»-ի հավակնորդների անունները