Coca-Cola ընկերությունը հայտարարել է իր կորպորատիվ ոճի ամենամեծ թարմացման մասին գրեթե երկու տասնամյակի ընթացքում: Ապրանքանիշի նոր տեսողական տեսքն արդեն ներդրվում է ավելի քան 200 շուկաներում, որտեղ ներկայացված է ընկերության արտադրանքը, նպատակ ունենալով ձևավորումը դարձնել միասնական:
Coca-Cola-ի ինքնության վերջին նման մասշտաբային թարմացումն իրականացվել էր 19 տարի առաջ: Այժմ դիզայնի կենտրոնական տարր է դառնում հայտնի կարմիր ժապավենը, որն առաջին անգամ հայտնվել է դեռևս 1969 թվականին՝ ոգեշնչված ապրանքանիշի ապակե շշի ուրվագծից:
Տեսողական ինքնության այս նոր համակարգը շեշտը դնում է ժապավենի վրա, որն ավելի նկատելի կդառնա փաթեթավորման, առևտրային սարքավորումների և թվային ծառայություններում: Դիզայներների մտահղացմամբ՝ սա պետք է բարձրացնի Coca-Cola-ի արտադրանքի ճանաչելիությունը՝ անկախ երկրից կամ փաթեթավորման ձևաչափից:
Փոփոխությունները վերաբերել են նաև Coca-Cola Zero շարքին. դրա համար պատրաստվել են սեփական սև ժապավենը տարաների վրա և սև կափարիչները պլաստիկ շշերի վրա: Միաժամանակ, ընկերությունը ներկայացրել է Brand Center և Design Intelligence թվային հարթակները, որոնք նախատեսված են օգնելու ներքին թիմերին և գործընկերներին պահպանել միասնական ոճը գովազդային նյութեր ստեղծելիս ամբողջ աշխարհում:
Coca-Cola-ն պնդում է, որ նոր գործիքները կհեշտացնեն ապրանքանիշի կառավարումը, որն ամեն օր սպառվում է ավելի քան 2,2 միլիարդ անգամ 200 երկրներում և տարածքներում: Սակայն նման մասշտաբներով միասնական տեսողական կերպարի պահպանումը մնում է լուրջ մարտահրավեր՝ չնայած տեխնոլոգիական լուծումների ներդրմանը: Նոր համակարգի ներդրումն արդեն սկսվել է Ասիայի, Մերձավոր Արևելքի, Եվրոպայի և Լատինական Ամերիկայի երկրներում:
