Բավ է պառակտվել
02-02-2021 13:58

2021 թվականի լավագույն դիետան` ըստ գիտնականների (լուսանկարներ)

Շատերը մինչ օրս միանշանակ չեն ընկալում «դիետա» բառը. նրանց հիշողության մեջ անմիջապես հայտնվում են հնդկացորենն ու կեֆիրը, որոնք՝ միայն դրանք օգտագործելիս, առողջությանը վնասելուց զատ ոչ մի երկարաժամկետ օգուտ չեն տվել: Մինչդեռ, այսօրվա իրականությունում, դիետա ասելով հասկանում են սնվելու որոշակի ռեժիմ, որը կարող է ձեզ ավելի եռանդուն և ակտիվ դարձնել: U.S. News-ի տարեկան զեկույցը վերլուծում է 39 դիետա ըստ տարբեր ցուցանիշների` սկսած դրանց ազդեցությունից սրտի աշխատանքի վրա, մինչև արդյունավետությունը նիհարելու հարցում։ Եվ արդեն չորրորդ անգամ լավագույնն է դարձել Միջերկրածովյանը: Ինչո՞ւ հենց այն: Եկեք հասկանանք։

Միջերկրածովյան դիետան առաջին տեղն է զբաղեցրել նաև չորս այլ անվանակարգերում. լավագույն առողջ սնունդ, ամենապարզ դիետա, դիետա շաքարախտի դեպքում և լավագույն բուսական դիետա: Այն երկրոդ տեղում է սրտի համար առավել օգտակար դիետաների ցանկում։

«Covid- ը նախորդ տարվա մեր գլխավոր մտահոգությունն էր», - ասում է բժիշկ Դեյվիդ Կացը զեկույցում: - Միջերկրածովյան դիետան ոչ միայն դրական ազդեցություն ունի առողջության ընդհանուր ցուցանիշների վրա, այլև բարելավում է մեր իմունային համակարգը՝ հսկայական ազդեցություն ունենալով կորոնավիրուսի հետ կապված ռիսկի գործոնների վրա»:

Ի՞նչ է ներառում միջերկրածովյան դիետան

Միջերկրածովյան դիետան տարբերվում է նրանով, որ չի սահմանափակում կալորիականությունը և չի բացառում սննդամթերքի որևէ հատուկ խումբ:

Դիետան կենտրոնանում է մրգերի, բանջարեղենի, ամբողջական ձավարեղենի, լոբազգիների, ընդեղենի, սերմերի, ձիթապտղի յուղի, խոտաբույսերի և համեմունքների վրա:

Ծովամթերքը և թռչնամիսը միջերկրածովյան դիետայի մսի հիմնական տեսակներն են։
Կաթնամթերքը, ձուն և կարմիր գինին թույլատրվում են չափավոր:
Դիետայի մենյուն կազմվում է այնպես, որ 60 տոկոսը լինի բանջարեղեն և միրգ, 25-30-ն՝ առողջ ճարպեր և 15-ը՝ սպիտակուցներ:

Դիետան կօգնի՞ նիհարել
Միջերկրածովյան դիետան կօգնի նիհարել, չնայած շատերը վախենում են, որ ճարպի (ձիթապտղի յուղ, ձիթապտուղ, ավոկադո և պանիր) առատության պայմաններում դա անհնար է: Հետազոտությունները ցույց են տալիս հակառակը՝ շաքարն ու ածխաջրերը բացառելու պայմանով։ Գործում է նաև կալորիաների դեֆիցիտի կանոնը․ եթե ստանում եք ձեզ խորհուրդ տրվող կալորիաների օրական առավելագույնից քիչ, կամ այրում եք ավելորդը ֆիզիկական վարժությունների օգնությամբ՝ կարող եք նիհարել, անգամ չհրաժարվելով ձեր սիրած ուտեստներից:

Սրտի համար օգտակարությունը
Միջերկրածովյան դիետան օգտակար է սրտի համար. դա փաստ է: Դիետան նվազեցնում է սրտային հիվանդությունների ռիսկը, դրա հետ մեկտեղ արյան ճնշումը և խոլեստերինի մակարդակը: Սա ապացուցել են Ալաբամայի համալսարանի հետազոտողները. Նրանք յոթ տարի ուսումնասիրել են սրտային հիվանդություն ունեցող երեք ու կես հազար մասնակիցի սննդային սովորությունները: Արդյունքները ցույց են տվել, որ միջերկրածովյան խիստ դիետային հետևողների մոտ զգալիորեն նվազում է սրտային հիվանդությունների ռիսկը: Հարվարդի բժշկական դպրոցի գիտնականները հայտնաբերել են նաև, որ միջերկրածովյան դիետայի երկրպագուների մոտ 25%-ով ցածր է նոպաների վտանգը։

Շաքարախտի դեմ պայքար
Միջերկրածովյան դիետան նաև շաքարախտի կանխարգելման և վերահսկման հիանալի տարբերակ է: Հետազոտությունները ցույց են տալիս, որ այս դիետային հետևելը կարող է նվազեցնել մետաբոլիկ համախտանիշի զարգացման ռիսկը, ինչը հանգեցնում է 2-րդ տիպի շաքարախտի: 2014 թվականին Public Health Nutrition ամսագրում հրապարակված զեկույցում ավստրիացի գիտնականները վերլուծել են ինը հետազոտությունների տվյալները: Դրանց մասնակցել էր 122,000 մեծահասակ, և այս ամենը հանուն նրա, որ ուսումնասիվի կապը միջերկրածովյան դիետայի և շաքարախտի ռիսկի միջև: Հետազոտողները պարզել են, որ սննդակարգի ավելի խիստ պահպանումը նվազեցնում է 2-րդ տիպի շաքարախտի առաջացման ռիսկը 19 տոկոսով։

2021 թվականի գլխավոր թրենդերը (լուսանկարներ)
Ո՞ր երկրների հետ Ռուսաստանը կվերսկսի թռիչքները 2021 թվականին. Փորձագիտների կանխատեսում
Ռուսաստանում գրանցվել է կորոնավիրուսի դեմ երրորդ՝ «Կովիվակ» պատվաստանյութը
Հայաստանում ՌԴ դիվանագետները Գյումրիի ռազմաբազայում պատվաստվել են «Սպուտնիկ V»-ով
COVID-19-ի դեմ պատվաստումը Հայաստանում նախատեսվում է սկսել մարտին. նախարար