Իշխող «Քաղաքացիական պայմանագիր» կուսակցության պատգամավոր Հայկ Սարգսյանը երեքշաբթի մանրամասներ է ներկայացրել օօրենքի նախագիծ, որը հնարավորություն կտա 27 տարին լրացած և պարտադիր զինվորական ծառայություն չանցած քաղաքացիներին ազատվել քրեական պատասխանատվությունից։
Մասնավորապես, նախագծով սահմանվում է, որ 27 տարին լրացած և պարտադիր զինվորական ծառայություն չանցած քաղաքացիները կարող են երկու տարի ժամկետով ծառայել բանակում, ծառայել 1 տարի և պետբյուջե վճարել 2.5 մլն դրամ, ծառայել 6 ամիս ժամկետով և պետբյուջե վճարել 5 մլն դրամ, ծառայել 1 ամիս ժամկետով և պետբյուջե վճարել 10 մլն դրամ, և վճարել 15 մլն դրամ՝ ծառայության դիմաց։
«10 միլիոն դրամը մոտավորապես այն գումարն է, որը կստանա պայմանագրային զինծառայողը 2 տարվա ծառայության համար։ Այսինքն՝ սա այն գումարն է, որով պետությունը հնարավորություն կունենա ծառայության ընդունել ևս մեկ պայմանագրային զինծառայող՝ ամսական 400 հազար դրամից ավելի աշխատավարձով»,- խորհրդարանում լրագրողների հետ հանդիպման ժամանակ պարզաբանել է Սարգսյանը։
Ինչ վերաբերում է 5 մլն դրամ վճարումների տարբերությանը, ապա, ըստ պատգամավորի, դա արվել է խրախուսել ծառայությունից խոսափածներին գոնե կարճաժամկետ ծառայություն անցնել։
«Այս միջոցը քաղաքացիներին հնարավորություն կտա սովորել զենքի հետ վարվել, հաշվառվել զորամասում, և ոչ միայն»,- ասել է պատգամավորը։
Նա ընդգծել է, որ օրինագիծը պատրաստելիս հաշվի է առնվել նաև այլ երկրների, մասնավորապես Թուրքիայի և Ղազախստանի փորձը։ Բացի այդ, Վրաստանում էլ գումարի դիմաց կարելի է հրաժարվել զինվորական ծառայությունից։
Սարգսյանը նշել է, որ օրինագծի ընդունումը բազմաթիվ քաղաքացիների հնարավորություն կտա վերադառնալ հայրենիք։
Ինչ վերաբերում է Հայաստանի պաշտպանության նախարարության դիրքորոշմանը, ապա, ինչպես նշել է Սարգսյանը, նախնական քննարկումների ժամանակ գերատեսչությունն աջակցել է նախագծին։ Սակայն նա դեռ պետք է պաշտոնական եզրակացություն տա։
«Այս պահին ծրագրի շահառու է մոտ 5 հազար մարդ»,- նշեց պատգամավորը։
