Ցեղասպանության կանխարգելման Լեմկինի ինստիտուտը խստորեն դատապարտել է դոկտոր Էդիտա Գզոյանի հարկադիր հրաժարականը Հայոց ցեղասպանության թանգարան-ինստիտուտի (ՀՑԹԻ) տնօրենի պաշտոնից: Կազմակերպությունը միացել է Հայաստանի և աշխարհի բազմաթիվ գիտնականների բողոքին։
Լեմկինի ինստիտուտի հիմնական պահանջները.
Անհապաղ վերականգնել Էդիտա Գզոյանին իր պաշտոնում:
Երաշխավորել Թանգարան-ինստիտուտի ակադեմիական ազատության իրավունքը։
Դադարեցնել քաղաքական ճնշումները գիտական հաստատությունների նկատմամբ:
Հայտարարության մեջ նշվում է, որ մի աշխարհում, որտեղ ցեղասպանության հիշողությունը հարձակումների է ենթարկվում, նման հաստատությունների մտավոր ամբողջականության պաշտպանությունը կենսական նշանակություն ունի: Հիշեցնենք, որ Գզոյանի հեռացման պատճառ է դարձել ԱՄՆ փոխնախագահ Ջեյ Դի Վենսին Ադրբեջանում հայկական ջարդերի մասին գիրք նվիրելը, ինչը իշխանությունները համարել են հակասող արտաքին քաղաքական օրակարգին:
