Բա՛վ է պառակտվել
16-06-2020 17:17

Պատգամավորից մեղադրյալ ․Աժ –ն բավարար եց դատախազի միջնորդությունը

Հայաստանի Ազգային ժողովը քիչ առաջ փակ գաղտնի քվեարկությամբ տվեց համաձայնություն ԱԺ «Բարգավաճ Հայաստան» խմբակցության ղեկավար Գագիկ Ծառուկյանին կալանավորելուն՝ Գլխավոր դատախազի ներկայացրած միջնորդությանը կողմ քվեարկելով։
ԱԺ Հաշվիչ հանձնաժողովի նախագահ Վահագն Հովակիմյանը հայտարարեց, որ քվեարկությանը մասնակցել է 87 պատգամավոր, որոնք բոլորն էլ կողմ են քվեարկել։ Քվեարկությանը չեն մասնակցել ԱԺ «Բարգավաճ Հայաստան» և «Լուսավոր Հայաստան» խմբակցությունները։

Ավելի վաղ նիստում ներկայացնելով միջնորդությունը ՀՀ գլխավոր դատախազ Արթուր Դավթյանը հայտարարել էր, որ կա հիմնավոր կասկած առ այն, որ Գագիկ Ծառուկյանը մնալով ազատության մեջ կարող է օգտագործելով անձնական կապերը և ունեցած ֆինանսական ռեսուրսները, հանցագործությունների կատարմանը ենթադրաբար ներգրաված անձանց նկատմամբ ունեցած հեղինակությունը, խոչընդոտել գործի քննությանը:
Քվեարկությանը չեն մասնակցել իմքայլական Սասուն Միքայելյանը և Թագուհի Թովմասյանը: Փոխարենը մասնակցել է անկախ պատգամավոր Արման Բաբաջանյանը:

Հիշեցնենք` ՀՀ ԱԱԾ-ն հունիսի 14-ին խուզարկություն իրականացրեց ԲՀԿ առաջնորդ, պատգամավոր Գագիկ Ծառուկյանի առանձնատանը:
Ավելի ուշ Ծառուկյանին հրավիրեցին ԱԱԾ՝ հարցաքննության:
Ծառուկյանի հարցաքննության ընթացքում ԱԱԾ-ն հանդես եկավ մի քանի պաշտոնական հայտարարություններով` ներկայացնելով Ծառուկյանի նկատմամբ կատարված քննչական գործողությունների իրավական հիմքերն ու հարուցված 3 քրեական գործեր:

 

 

Արմինե Գևորգյան

87 կողմ, 0 դեմ. Գագիկ Ծառուկյանը զրկվեց անձեռնմխելիությունից,
Ծառուկյանի տան ԱԱԾ խուզարկության տեսանյութը
«Այս ամենով ինձ հերոսացնում եք». Գագիկ Ծառուկյանը ելույթ ունեցավ ԱԺ–ում
ԱԺ ֊ի որոշումը չէ, որ Հրայր Թովմասյանը պետք է մնա կամ հեռանա։ Գագիկ Ծառուկյան
Գագիկ Ծառուկյանը ժամանեց դատարան․ քննարկվում է ԱԱԾ կալանավորման միջնորդությունը