Այսօր առավոտյան Դիլիջան-Վանաձոր ավտոճանապարհին տեղի ունեցած խոշոր վթարի հետևանքով յոթ մարդ է տուժել։
Փրկարար ծառայությունից հայտնում են, որ ավտոճանապարհի 5-րդ կիլոմետրում վթարային ազդանշանը ստացվել է ժամը 09:48-ին։
Դեպքի վայր մեկնած հրշեջ-փրկարարական ջոկատը պարզել է, որ բախվել են Opel-ն ու Mercedes-Benz-ը։ Փրկարարները հոսանքազրկել են ավտոմեքենաները և փակել գազի բալոնների փականները։
Մինչ փրկարարների՝ կանչի վայր հասնելը հոսպիտալացվել են և՛ վարորդները, և՛ հինգ տուժածներ, այդ թվում՝ երկու երեխա՝ ծնված 2020 և 2022 թվականներին։ Բժիշկները նրանց վիճակը գնահատել են բավարար։
