Հայաստանում տղամարդը ցած է նետվել կամրջից. հայտնաբերվել է նոթատետր և երկու հեռախոս

Կոտայքի մարզում ինքնասպանութուն է տեղի ունեցել։

Shamshyan.com-ը հայտնում է, որ ժամը 10։00-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Նոր Հաճնի կամրջի տակ տղամարդու դի կա։

Ոստիկանները կամրջի վրա հայտնաբերել են 2 բջջային հեռախոս, վարորդական իրավունք, բանկային քարտեր, նոթատետր և գլխարկ։ Կան կասկածնոր, որ այս ամենը պատկանել է մահացածին, ով նշված իրերը թողել է կամրջի վրա և ցած նետվել։

Ոստիկանությունն ու քննչական բաժինը պարզում են մահացածի ինքնությունը։ Փաստի առթիվ հարուցվել է քրեական գործ։