Հայաստանում անհրաժեշտ է ստեղծել համայնքային ոստիկանության ստորաբաժանումներ։ Այս մասին հունիսի 13-ին Ազգային ժողովի նիստում «Ոստիկանության մասին» օրենքում լրացումներ և հարակից օրենքներում փոփոխություններ կատարելու մասին օրինագծերի փաթեթի քննարկման ժամանակ հայտարարեց հանրապետության ներքին գործերի փոխնախարար Արփինե Սարգսյանը։
Օրենսդրական նախաձեռնությունը, մասնավորապես, ուղղված է համայնքային ոստիկանության ձևավորման համար նորմատիվ բազայի ստեղծմանը:
Նրա խոսքով՝ ոստիկանության կառույցում կվերացվեն մարզային և երևանյան վարչությունները։ Փոխարենը կստեղծվի կենտրոնացված կառավարում՝ տարածքային սկզբունքով։
«Նախնական փուլում կհայտարարվի անձնակազմի համալրման բաց մրցույթ, որին կարող են մասնակցել նաև ոստիկանության գործող աշխատակիցները։ Այնուամենայնիվ, հետագայում թափուր աշխատատեղերը կլրացվեն առկա կադրերի հաշվին։ Նոր կադրերի պատրաստման ժամկետը կկազմի 5 ամիս»,-ասաց նա։
Դիտարկվում է նաև արագացված դասընթացների տարբերակը, բայց արդեն գործող աշխատակիցների համար։
Համայնքային ոստիկանությունը կզբաղվի նաև անչափահասների և ընտանեկան բռնության դեպքերով։
