Հայաստանի ոստիկանությունը լուսաձայնային նռնակներ է կիրառել Երևանի կենտրոնում՝ կառավարության շենքի մոտ հավաքված ցուցարարների դեմ։
Կառավարության շենքի մոտ իրավիճակը լարված է, պարբերաբար բախումներ են տեղի ունենում ոստիկանական ուժերի և ցուցարարների միջև, ովքեր փորձում են ներխուժել կառավարության շենք և կոտրում են լուսամուտները։
Ուժայինները փորձում են բերման ենթարկել քաղաքացիներին։
«Մայր Հայաստան» դաշինքի ղեկավար Անդրանիկ Թևանյանը փորձում է հանդարտեցնել մոլեգնած ամբոխին։ Նրա հետևում ոստիկանները կենդանի պատ են կազմել։ Նրանք փորձում են թույլ չտալ քաղաքացիների մուտքը կառավարության շենք։
Կառավարության շենքի մոտ ինքնաբուխ հանրահավաքը սկսվել է երեքշաբթի օրը Արցախի դեմ Ադրբեջանի ագրեսիայի սկսվելուց հետո։ Ցուցարարներն իշխանություններից պահանջում են ճանաչել Արցախը։
