Երևանի փոխքաղաքապետ Տիգրան Ավինյանն երկուշաբթի կայացած գործակարգավարական խորհրդակցության ժամանակ հայտարարեց, որ շուտով պետք է հայտարարվի Սուրմալուի մերձակայքում նոր կայարանի կառուցման նախագծի մասին։
Ավինյանի խոսքով, այժմ մետրոյի «Աջափնյակ» կայարանի նախագծման 2–րդ և 3–րդ փուլերն են։
«Մենք շուտով պետք է հայտարարենք Սուրմալուի մերձակայքում նոր կայարանի կառուցման նախագծի մասին։ Դրա տեխնիկական առաջադրանքը, ենթադրում եմ, պատրաստ է, գնման ընթացակարգի վերաբերյալ նունպես մի առանձին հանձնարարակն ֆիքսենք», – նշեց Ավինյանի խորհրդակցության ընթացքում։
Ավելի վաղ հայտնի էր դարձել, որ մետրոյի «Աջափնյակ» կայարանի շինարարության ընդհանուր արժեքը գնահատվում է մոտ 50 մլն դոլար, նախագծային աշխատանքների համար ՀՀ կառավարությունը կհատկացնի 750 մլն դրամ, ևս 554 մլն դրամ՝ քաղաքապետարանը։ Անցյալ տարի որոշվել է նոր կայանի կառուցման մրցույթի հաղթողը՝ ռուսական «Մետրոգիպրոտրանս» ընկերությունը։
