Երևանի Դեմիրճյանի անվան մետրոպոլիտենում գորրծարկվել է միասնական վճարային համակարգ, հայտնել է մետրոպոլիտենի գլխավոր տնօրենի ժամանակավոր պաշտոնակատար Բաբկեն Սեդրակյանը։
«Երևանի մետրոպոլիտենի 10 կայարանում տեղադրվել են մոտավորապես 20 վճարային տերմինալներ և վալիդատորներ, մեր քաղաքացիներն արդեն կարող են օգտվել անհպում վճարումներից», – ասաց Սեդրակյանը քաղաքապետարանում տեղի ունեցած գործակարգավարական խորհրդակցության ժամանակ։
Երևանի Կարեն Դեմիրճյանի անվան մետրոպոլիտենը հիմնադրվել է 1981 թվականին։ Այս պահին Երևանում գործում է մետրոյի 10 կայարան։ Մետրոյի գծերի ընդհանուր երկարությունը 13,4 կմ է։
