Շուրջ երկու շաբաթ առաջ Հայաստանի վարչապետ Նիկոլ Փաշինյանն այցելել է Ստրասբուրգ՝ մասնակցելու Եվրախորհրդարանի նիստին։ Նրան ուղեկցել են նրա երեք դուստրերը. այս փաստը մեծ արձագանք է գտել մամուլում և սոցիալական ցանցերում։
Չորեքշաբթի օրը խորհրդարանում լրագրողները վարչապետի աշխատակազմի ղեկավարի տեղակալ Արմենակ Խաչատրյանից հետաքրքրվեցին՝ արդյոք ուղևորությունը պետբյուջեից է վճարվել։ Խաչատրյանն այս հարցին բացասական պատասխանեց և հավելեց, որ տեղյակ չէ, քանի որ անձամբ չի զբաղվել այդ հարցով, բայց «ամենայն հավանականությամբ» այցը չի կազմակերպվել պետբյուջեի հաշվին։
«Վարչապետի ընտանիքի սպասարկումն օրենքով նախատեսված է, ինչպես նախատեսված է նաեւ պետական այլ բարձրաստիճան պաշտոնատար անձանց սպասարկումը: Վարչապետը, օրինակ, եթե որոշում է կայցրել այդ այցին գնալ իր ընտանիքի անդամներից որեւէ մեկի հետ, ու գնացել է, այստեղ ես չեմ հասկանում հարցը»,- ասաց նա։
Հոկտեմբերի 16-17-ը Փաշինյանը աշխատանքային այցով գտնվում էր Ստրասբուրգում, որտեղ ելույթ ունեցավ Եվրախորհրդարանի նիստում։ Եվրախորհրդարանի շենքի մոտ Փաշինյանին երեք դուստրերի հետ դիմավորել է Եվրոպական խորհրդարանի նախագահ Ռոբերտա Մեցոլան։
