Արցախի նախագահ Արայիկ Հարությունյանը հանդիպել է 44-օրյա պատերազմում զոհված զինծառայողների մի խումբ հարազատների հետ՝ նրանց առաջարկով, հայտնում է պետության ղեկավարի տեղեկատվական գլխավոր վարչությունը։
Նախագահը, պատասխանելով հանդիպման մասնակիցների հարցերին, անդրադարձել է ներքին և արտաքին զարգացումներին վերաբերող մի շարք հարցերի։
Երկրի ղեկավարն ընդգծել է այս ճգնաժամային իրավիճակում ներքին կայունության և փոխադարձ հանդուրժողականության անհրաժեշտությունը՝ կարևորելով ներկաների դերն այս հարցում։
