Օգոստոսի 2-ից Ստեփանակերտում սոցիալական մի շարք խմբերի ներկայացուցիչներին մսամթերք, կարտոֆիլ և ձավարեղեն կտրամադրվի, հայտնել է ԱՀ պետնախարար Գուրգեն Ներսիսյանը։
Նա նշել է, որ շաբաթ և կիրակի օրերին կավարտվեն սոցիալական որոշ խմբերին մսամթերքի, կարտոֆիլի և ձավարեղենի հավասարաչափ բաշխման նախապատրաստական աշխատանքները։
«Վերջին օրերին Կառավարության կողմից որոշակի նախապատրաստական աշխատանքներ են կատարվել՝ հաջորդ շաբաթվանից Ստեփանակերտում սոցիալական մի շարք խմբերի ներկայացուցիչներին (տարիքային կենսաթոշակառուներ, հաշմանդամներ, տեղահանվածներ, միայնակ մայրեր, բազմազավակ ընտանիքներ և այլն) մսամթերքի, կարտոֆիլի և ձավարեղենի տրամադրումը կազմակերպելու համար: Ընթացակարգի վերաբերյալ պատկան մարմինների կողմից կտրվի հավելյալ պարզաբանող հայտարարություն»,- գրել է նա ֆեյսբուքյան իր էջում:
