ԵԱՏՄ միջկառավարական խորհրդի արտահերթ նիստը տեղի կունենա օգոստոսի 24-ին Ծաղկաձորում:
ԵԱՏՄ անդամ երկրների կառավարությունների ղեկավարները կքննարկեն միջնաժամկետ և երկարաժամկետ հեռանկարում միությունում ինտեգրացիոն գործընթացների հետագա զարգացումը։ Օրակարգում են նաև ԵԱՏՄ-ում իրավական մեխանիզմների կատարելագործման, այլ երկրների հետ փոխգործակցության առկա ձևաչափերի ամրապնդման և պոտենցիալ գործընկերների հետ կապեր հաստատելու հարցեր։
Միջոցառումն անցկացվելու է ԵԱՏՄ մարմիններում ՌԴ նախագահության հովանու ներքո։
Եվրասիական միջիրավական խորհրդի նախորդ նիստը տեղի է ունեցել հունիսի 7-8-ը Սոչիում։
Եվրասիական միջկառավարական խորհրդի կազմում են ԵԱՏՄ երկրների՝ Հայաստանի, Բելառուսի, Ղազախստանի, Ղրղզստանի և Ռուսաստանի կառավարությունների ղեկավարները։ Այն ապահովում է ԵԱՏՄ մասին պայմանագրի և Եվրասիական բարձրագույն տնտեսական խորհրդի որոշումների կատարումն ու վերահսկումը, հանձնարարականներ է տալիս Եվրասիական տնտեսական հանձնաժողովին, ինչպես նաև իրականացնում է այլ լիազորություններ։
