Ադրբեջանը Մարդու իրավունքների եվրոպական դատարան է ներկայացրել Արցախի նախկին պետնախարար Ռուբեն Վարդանյանի վերաբերյալ տեղեկատվություն, հայկական կողմի` ՄԻԵԴ ներկայացված դիմումի համաձայն, հայտնում է Միջազգային իրավական հարցերով ՀՀ ներկայացուցչի գրասենյակը։
«Հայկական կողմի՝ ՄԻԵԴ ներկայացված դիմումի համաձայն Ադրբեջանը դատարանին է ներկայացրել Ռուբեն Վարդանյանի վերաբերյալ տեղեկատվություն, որը փոխանցվել է վերջինիս մերձավոր ազգականներին»,– ասվում է հայտարարությունում։
Սեպտեմբերի 27-ին Արցախի նախկին պետնախարար Ռուբեն Վարդանյանը Արցախից Հայաստան տեղափոխվելու փորձի ժամանակ ձերբակալվել է Լաչինի միջանցքի անցակետում, իսկ ավելի ուշ՝ կալանավորվել։ Նա մեղադրվում է ահաբեկչության ֆինանսավորման,անօրինական զինված խմբավորումներ ստեղծելու, սահմանն ապօրինի հատելու մեջ։
