«Բարգավաճ Հայաստան» կուսակցության նախագահ Գագիկ Ծառուկյանը շարունակում է իր այցերը Հայաստանի մարզեր՝ հաստատելով իր անփոփոխ մոտեցումը՝ լինել մարդկանց կողքին, շրջել գյուղից գյուղ և ուղիղ լսել նրանց հուզող խնդիրներն ու մտահոգությունները։ Արարատի մարզ կատարված վերջին այցերը ևս մեկ անգամ ընդգծեցին այս ռազմավարության կարևորությունը, որն ուղղված է բնակչության հետ կապի ամրապնդմանը և արդիական հարցերին օպերատիվ արձագանքմանը։
Ինչպես հայտնել է Ծառուկյանը, հանդիպումներն անցնում են մշտապես ջերմ ու անմիջական մթնոլորտում։ Այս անգամ առաջինը չնախատեսված այց է կատարվել Արարատի մարզի Նորակերտ գյուղ, ապա հանդիպումները շարունակվել են Ավշար, Արարատ, Սուրենավան, Այգեվան և Ոսկետափ համայնքներում։ Այս այցելությունները քաղաքական գործչին հնարավորություն են տալիս ոչ միայն ծանոթանալ տեղում առկա իրավիճակին, այլև բաց ու անկաշկանդ երկխոսություն վարել քաղաքացիների հետ՝ անկեղծ ու շիտակ պատասխաններ տալով անգամ ամենացավոտ հարցերին։
«Մեր մոտեցումը մնում է անփոփոխ՝ լինել մարդկանց կողքին, շրջել գյուղից գյուղ, ուղիղ լսել նրանց հուզող խնդիրներն ու մտահոգությունները», – շեշտել է Գագիկ Ծառուկյանը։ Այս հանդիպումների ընթացքում Արարատի մարզի բնակիչներն արտահայտել են իրենց հիմնական ցանկությունները։ Նրանց մեկ ցանկությունն է՝ ունենալ ամուր ու անվտանգ սահմաններ, խաղաղ աշխատել իրենց հողի վրա, ստեղծել ու արարել և վստահությամբ նայել իրենց ու իրենց երեխաների ապագային։
Գագիկ Ծառուկյանի նման նախաձեռնությունները կարևորում են քաղաքական ղեկավարության և քաղաքացիների, հատկապես գյուղական համայնքների միջև ուղիղ շփման անհրաժեշտությունը։ Սա թույլ է տալիս ոչ միայն բացահայտել հրատապ խնդիրները, այլև ձևավորել օրակարգ՝ հիմնված հայ ժողովրդի իրական կարիքների և ակնկալիքների վրա՝ նպաստելով երկրում վստահության և կայունության ամրապնդմանը։
Նիկոլ Փաշինյանը ելույթի ընթացքում 40 անգամ կրկնել է «Եվ այդ մեկ մարդը դու ես» նախադասությունը
