Հոկտեմբերի 12-ի գիշերը՝ կեսգիշերին մոտ, «Հարավկովկասյան երկաթուղի» ընկերության բեռնատար գնացքը ռելսերից դուրս է եկել Դալարիկ-Քարակերտ հատվածում։ 36 վագոնանոց գնացքը մասամբ բեռնված է եղել ցեմենտի արտադրության հումքով և բաղկացած է եղել նաև դատարկ վագոններից։ Զոհեր և վիրավորներ չկան։
Բացի գնացքից, վնասվել է նաև երկաթուղային գիծը։ Ներկայումս ընկերությունն իրականացնում է վթարային վերականգնման աշխատանքներ։ Նախատեսվում է, որ փլուզման հետևանքները կվերացվեն երկու օրվա ընթացքում։ Այս ժամանակահատվածում հատվածով երթևեկությունը դադարեցվել է, ուստի չեղարկվել են Երևան-Գյումրի-Երևան մերձքաղաքային գնացքները, ինչպես նաև Երևան-Թբիլիսի-Երևան միջազգային չվերթը։
