ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը, մեկ ամսով կալանավորվեց, հայտնել է փաստաբան Ալեքսանդր Կոչուբաևը։
Երևանում անհնազանդության ակցիայի ժամանակ Լևոն Քոչարյանը բերման է ենթարկվել բռնի ուժի գործադրմամբ և ծեծի ենթարկվելուց հետո հիվանդանոց տեղափոխվել։ Սեպտեմբերի 23-ին նա ձերբակալվել է։ Ինչպես նշել է փաստաբան Կոչուբաևը, ձերբակալման որոշումից պարզ է դարձել, որ «խոշտանգումներ գործադրած ոստիկանները հայտարարություն են տվել, որ Լ. Քոչարյանը ծեծի է ենթարկել 4 կարմիր բերետավորի»։ Նա դա անվանել է իրավական «բեսպրեդել»։ Քոչարյանի պաշտպաններն ավելի ուշ հայտարարել էին, որ հետ են վերցնում նրա ձերբակալման դեմ ներկայացրած բողոքը, քանի որ այն պետք է քններ դատավոր Մասիս Մելքոնյանը։
