GALLUP International Association-ի հարցում է անցկացրել, պարզելու քաղաքացիների քաղաքական նախապատվությունները, եթե ընտրություններն անցկացվեին գալիք կիրակի:
Քաղաքացիների շրջանում ամենամեծ աջակցությունն ունի «Քաղաքացիական պայմանագիր» կուսակցությունը, որի օգտին կքվեարկեր հարցվածների 13,3%-ը։
Երկրորդ տեղը զբաղեցնում է «Հայաստան» դաշինքը՝ 3,8 տոկոս, իսկ երրորդը՝ «Բարգավաճ Հայաստան» կուսակցությունը՝ 1,8 տոկոս։ ՀՀԿ-ի հիման վրա ստեղծված «Պատիվ ունեմ» դաշինքին աջակցում է հարցվածների 1,5%-ը։
Քաղաքացիների ամենափոքր աջակցությունն են վայելում Հայաստանի կոմունիստական կուսակցությունը՝ 0,1%, «Արդար Հայաստան» կուսակցությունը՝ 0,1 տոկոս և «5165» կուսակցությունը՝ 0,1 տոկոս։
Ընդ որում, հարցվածների 36,3%-ն ասել է, որ չի մասնակցելու ընտրություններին, 20,2%-ը դժվարացել է պատասխանել հարցին, իսկ 5,4%-ը հրաժարվել է պատասխանել։
Հուլիսի 27-ից 31-ը Հայաստանում անցկացված հեռախոսային հարցմանը մասնակցել է 1100 հարցված։
