Ադրբեջանի կրակի հետևանքով հայկական կողմում կան տուժածներ․ ՀՀ ՊՆ

Հայկական դիրքերի անձնակազմի համար սնունդ տեղափոխող մեքենայի ուղղությամբ Ադրբեջանի ԶՈՒ կրակի հետևանքով հայկական կողմում կան տուժածներ, հայտնում են պաշտպանության նախարարությունից։

Ավելի վաղ գերատեսչությունը հաղորդագրություն էր տարածել, որ հոկտեմբերի 2-ին՝ ժամը 14:25-ի սահմաններում, Ադրբեջանի ԶՈւ ստորաբաժանումները հրետանային զինատեսակներից կրակ են բացել Կութի ուղղությամբ տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ։

Պաշտպանության նախարարությունը տեղեկատվություն կտրամադրի ավելի ուշ: Ժամը 16:00-ի դրությամբ իրադրությունն առաջնագծում հարաբերականորեն կայուն է, հայտնում են նախարարությունից;