Կիրակի առավոտյան Թեհրանում սկսվել է Իրանի մահացած գերագույն առաջնորդ այաթոլլա Ալի Խամենեիի հոգեհանգստի աղոթքը։ Սգո արարողությանը մասնակցում են միլիոնավոր մարդիկ։
Այս աղոթքը դարձել է համազգային հրաժեշտի արարողության կենտրոնական միջոցառումներից մեկը, որը սկսվել է նախօրեին և շարունակվում է մայրաքաղաքի տարբեր շրջաններում։ Այն նվիրված է Ալի Խամենեիին և նրա հետ զոհված ընտանիքի չորս անդամներին։
Հոգեհանգստի աղոթքը ղեկավարել է մեծ այաթոլլա Ջաֆար Սոբհանին։ Արարողությունը տեղի է ունեցել Թեհրանի Մեծ Մասալլայում, որը հատուկ նախատեսված է զանգվածային կոլեկտիվ աղոթքների համար նախատեսված համալիր է։
Կազմակերպիչների տվյալներով՝ համալիրի ներքին տարածքները ամբողջությամբ լցված էին մեկնարկից մի քանի ժամ առաջ։ Հարակից փողոցներն ու հրապարակները նույնպես լեփ-լեցուն էին աղոթքին մասնակցելու եկած մարդկանցով։
