Մի կարևոր կոնսենսուս կա առ այն, որ ապաշրջափակման գործընթացը սկսվում է Երասխ-Հորադիզ երկաթգծի վերաշահագործումից, լրագրողների հետ զրույցում ասաց ՀՀ փոխվարչապետ Մհեր Գրիգորյանը։
«Կարծում եմ, սա կարևոր է, որովհետև կոնկրետ է և հասկանալի, թե ինչի մասին է խոսակցոթյունը։ Ես կարծում եմ, որ կա վերջնական ընկալում, որ կարգավորումները պետք է լինեն իրավազորության և ինքնիշխանության ներքո այն երկրների, որոնց տարածքով երկագիծն անցնում է: Դա էլ է շատ կարևոր և ֆունդամենտալ համաձայնություն: Մնացած հարցերի շուրջ դետալներ չեմ հայտնի, որովհետև դեռևս վերջնական կոնսենսուս չկա»,- ասաց նա լրագրողներին չորեքշաբթի:
Միաժամանակ նա նշեց, որ իր կարծիքով, Ադրբեեջանն ընդունում է այս մոտեցումները, որովհետև հայկական կողմը բազմիցս հայտարարել է, որ հակառակ դեպքում կհրաժարվի բանակցություններից։
Ինչ վերաբերում է ՌԴ ԱԴԾ սահմանապահ զորքերի գործողություններին ապաշրջափակման գործընթացի շրջանակներում, ապա, ինչպես նշեց Գրիգորյանը, «դրանց գործառույթի իրականացման ձևի մասով դեռևս քննարկումներ պետք է լինեն»:
Այս տարվա հունիսի սկզբին Մոսկվայում կայացած եռակողմ աշխատանքային խմբի 12-րդ հանդիպման ժամանակ Հայաստանի, Ռուսաստանի և Ադրբեջանի փոխվարչապետներ Մհեր Գրիգորյանը, Ալեքսեյ Օվերչուկը և Շահին Մուստաֆաևը փոխըմբռնում են ձեռք բերել Երասխ-Ջուլֆա-Մեղրի-Հորադիզ երկաթուղային հաղորդակցության վերականգնման և կազմակերպման ուղղությամ կոնկրետ քայլերի իրականացման շուրջ։
