Աուտոիմուն հիվանդություններով մարդիկ մյուսներից ավելի հաճախ են հիվանդանում կարմրուկով։ Այս մասին gazeta.ru-ին հայտնել է Ռոսպոտրեբնադզորի համաճարակաբանության ինստիտուտի հետազոտությունների գծով փոխտնօրեն, ՌԴ ԳԱ ակադեմիկոս Ալեքսանդր Գորելովը։
«Որոշ հիվանդությունների դեպքում, օրինակ՝ աուտոիմուն կամ հիվանդությունների, որոնք պահանջում են իմունային պատասխանի ճնշում, անշուշտ, ճնշվում է կարմրուկի նկատմամբ իմունիտետը, և այս իրավիճակում առաջնային կամ երկրորդային իմունային անբավարարությամբ մարդիկ առավել ենթակա են կարմրուկի վարակին», - ասել է Գորելովը:
Նա նշել է, որ կարմրուկի դեմ պատվաստումը կենդանի թուլացած վիրուսի ներմուծումն է մարդու օրգանիզմ, ուստի այն պետք է իրականացվի միայն բուժհաստատություններում, որտեղ պահպանվում են բացարձակապես բոլոր պահպանման ժամկետները։
«Կարմրուկի դեմ պատվաստանյութը փորձարկված է և անվտանգ ու արդյունավետ։ Ավելին, իմունոպրոֆիլակտիկայի մասին օրենքն այս պահին մեզ հնարավորություն է տալիս պատվաստանյութ ընտրել՝ պատվաստանյութը լինում է միավալենտ, եռավալենտ, քառավալենտ, հայրենական արտադրության, ներմուծված»,- ասել է փորձագետը։
Ալեքսանդր Գորելովի խոսքով՝ ներկայումս աշխարհում չկան կարմրուկը բուժող դեղամիջոցներ։ «Բնակչության 95%-ի պատվաստումը թույլ է տալիս մոլորակի վրա ապրել այն 5%-ին, ովքեր օբյեկտիվ պատճառներով, առողջական նկատառումներից ելնելով, չեն կարող պատվաստվել, օրինակ՝ մարդ ունի արյան ախտահարում, արյան չարորակ հիվանդություն կամ այլ քրոնիկ հիվանդություններ»,- պարզաբանել է նա։