2024 թվականին Հայաստանում հեպատիտ C-ի բուժման համար կգնեն նաև ջեներիկներ (օրիգինալ դեղամիջոցի անալոգը), ասաց երկուշաբթի ՀՀ առողջապահության նախարար Անահիտ Ավանեսյանը։
«Հեպատիտ C-ի դեմ թանկարժեք դեղամիջոցները ոչ բոլորին են հասանելի։ Այնպես որ, եթե հաշվի առնենք, որ որոշ հիվանդներ չեն բուժվում, ապա հիվանդության հետագա տարածման վտանգը միայն մեծանում է, հետևաբար, դեղերի ավելի մեծ ծավալով գնումն ապահովելու համար, Առողջապահության նախարարությունը որոշել է սկսել առկա դեղի ջեներիկների (քիմիական ակտիվ դեղաբանական բաղադրիչ պարունակող դեղորայք) ներմուծումը», - ասաց Ավանեսյանը 2024 թվականի պետական բյուջեի նախագծի խորհրդարանական լսումների ժամանակ։ Նրա խոսքով, այս հարցը քննարկվել և համաձայնեցվել է նաև օրիգինալ դեղամիջոցներ արտադրողների հետ։
Նախարարը տեղեկացրեց, որ եթե 2021-ին պետպատվերի շրջանակներում բուժում է ստացել ընդամենը 669 հիվանդ, ապա 2023-ի 9 ամսում` արդեն 826, իսկ 2024-ին որոշվել է այդ թիվը հասցնել 1800-ի։
«Մասնավորապես, խնդիր է դրվել ամբողջությամբ վերացնել հիվանդությունը Հայաստանի քրեակատարողական հիմնարկներում»,- ասաց Ավանեսյանը։
