Ֆրանսիան Հայաստան կուղարկի ռազմական խորհրդական և կվերապատրաստի հայկական հատուկ ջոկատայիններին, ասել է Ֆրանսիայի Հանրապետության պաշտպանության նախարարության ղեկավար Սեբաստիան Լըկորնյուն։
«2023 թվականի հունվարին Ֆրանսիան ռազմական կցորդ է նշանակել Հայաստանում հանրապետության դեսպանատանը»,- գրել է Լեկորնուն իր պաշտոնական X էջում։
Նա ներկայացրել է նաև այն ծրագրերն ու ուղղությունները, որոնց շուրջ կողմերը սկսել են կամ սկսելու են համագործակցել։ Դրանք են՝
1. Աջակցություն հայկական բանակին նրա վերափոխման գործում`
● Պաշտպանական առաքելության բացումը 2023 թվականի հունվարին
● Ֆրանսիացի սպայի՝ որպես ռազմական խորհրդատու ՀՀ ՊՆ ուղարկում
● Բազմաթիվ այցելություններ և աշխատանքային հանդիպումներ
2. Ուսուցում
● Համագործակցություն սպայական և ենթասպայական ուսումնական հաստատությունների հետ
● Ուսուցում օպերատիվ ուսումնական ջոկատների կողմից, մասնավորապես լեռնային մարտերի և հրաձգության վայրերում
3. Ցամաքային ՀՕՊ համակարգերի ուժեղացում
● 3 հատ GM200 ռադիոտեղորոշիչ կայանի ձեռքբերման պայմանագրի և հակաօդային պաշտպանության վերաբերյալ փոխըմբռնման հուշագրի ստորագրում
● «Միստրալ» զենիթահրթիռային համալիրների ձեռքբերման վերաբերյալ փոխըմբռնման հուշագրի ստորագրում
● Հայկական ցամաքային ՀՕՊ համակարգերի առաջիկա աուդիտ:
