Արցախի պաշտպանության բանակի զինծառայողների ծառայությունը հայկական զինված ուժերի շարքերում շարունակելու հարցը քննարկման փուլում է։
«Այս պահին այդ ուղղությամբ քննարկումներն ու աշխատանքները շարունակվում են»,- ասաց ՀՀ պաշտպանության փոխնախարար Արման Սարգսյանը։
Նա նաև հայտնեց, որ հայ-ադրբեջանական սահմանին իրավիճակը ներկայումս համեմատաբար կայուն է։
Արցախում Ադրբեջանի էթնիկ զտումների մասին
Սեպտեմբերի 19-20-ը Ադրբեջանը լայնածավալ ագրեսիա ձեռնարկեց Արցախի դեմ՝ օգտագործելով հրետանի, անօդաչու թռչող սարքեր և ռազմական ինքնաթիռներ։ Սեպտեմբերի 28-ին ադրբեջանական կողմի հետ բանակցություններից հետո Արցախի նախագահ Սամվել Շահրամանյանը հրամանագիր է ստորագրել հանրապետության բոլոր պետական կառույցները լուծարելու մասին։ 2024 թվականի հունվարի 1-ից Արցախի Հանրապետությունը կդադարի գոյություն ունենալ.
100632 բնակիչ հարկադրաբար լքել է Արցախի Հանրապետությունը և տեղափոխվել Հայաստան. Մեծամասնությունն արդեն ստացել է 100 հազար դրամ միանվագ նպաստ։ Առաջիկայում կսկսվեն 50 հազարական դրամի վճարումները վարձակալության և կոմունալ ծախսերի։ Գործարկվել է առաջնային կարիքների https://e-soc.am հարթակը և ՀՀ սոցապ նախարարության «114» թեժ գիծը։
