ՀՀ ԱԳ նախարար Արարատ Միրզոյանը Բրյուսելում Ֆրանսիայի Եվրոպայի և արտաքին գործերի նախարար Կատրին Կոլոնային ներկայացրել է Հայաստանի և Ադրբեջանի միջև հարաբերությունների կարգավորման գործընթացում վերջին զարգացումները։
Ինչպես հայտնում է ՀՀ ԱԳՆ մամուլի ծառայությունը, քննարկվել են տարածաշրջանային անվտանգությանը և կայունությանը վերաբերող հարցեր, անդրադարձ է կատարվել խաղաղության հաստատման հարցում առկա մարտահրավերներին:
Մտքեր են փոխանակվել միջազգային հարթակներում փոխգործակցության, ինչպես նաև Հայաստանի և ԵՄ-ի միջև համագործակցության խորացման հարցերի շուրջ։
