Հայաստանի զինանշանն արտահայտում է հայ ժողովրդի հոգեբանությունը, այն կապ չունի 1991 թվականին հիմնադրված Հայաստանի պետականության հետ։ Այս մասին հինգշաբթի հայտարարեց Հայաստանի վարչապետ Նիկոլ Փաշինյանը։
«Ի՞նչ է պատկերված մեր զինանշանի վրա․ Նոյան տապանն Արարատ լեռան վրա, Հայաստանի չորս տոհմերի զինանշանները։ Վերջերս, երբ նայում եմ այս զինանշանին, հարց է ծագում՝ մեզանից յուրաքանչյուրի համար սրբավայր հանդիսացող պատկերն ինչպե՞ս է կապված 1991 թվականին հիմնադրված պետության հետ, ինչի՞ մասին է։ Նայելով կենտրոնին, Արարատ սարի վրա Նոյյան տապանն է, իսկ այսօրվա Հայաստանի տարածքը ջրհեղեղի տակ է: Առյուծը, որն արդեն Հայաստանում բնական պայմաններում վաղուց չի ապրում: Դա մեզնից յուրաքանչյուրի մեջ առկա երկվության մասին է»,- Ազգային ժողովում 2022 թվականի պետական բյուջեի կատարողականի քննարկման ժամանակ ասաց կառավարության ղեկավարը։
