44-օրյա պատերազմի հանգամանքները քննող հանձնաժողովի նիստին Փաշինյանի մասնակցությունը հերթական շոուն է, ինչպես նաև մարդկանց ուշադրությունը շեղելու մանիպուլյացիա, ասաց երեքշաբթի ՀՀ պաշտպանության նախկին նախարար, ընդդիմադիր «Հայաստան» խմբակցության ղեկավար Սեյրան Օհանյանը։
«Դա նաև անհավասար պայմաններ է ստեղծում հանձնաժողովում ավելի վաղ հարցաքննված անձանց համար, և ապրիորի վարչապետին մյուսներիցապրիորի վարչապետին մյուսներից վեր է դասում»,- ասաց Օհանյանը՝ պատասխանելով լրագրողների հարցերին։
Նախկին նախարարը հիշեցրեց, որ հանձնաժողովի կանոնադրության 6-րդ կետի համաձայն՝ հանձնաժողովի գործունեությունը չպետք է հանրային լինի։
«Ըստ էության, մենք գործ ունենք Փաշինյանի հերթական ասուլիսի հետ։ Նրա ելույթը ոչնչով չի տարբերվում իր մյուս ելույթներից»,- նշեց ընդդիմադիրը։
Ընդդիմության ներկայացուցիչները, նրա խոսքով, չեն մասնակցում հանձնաժողովի նիստին, քանի որ կարծում են, որ այս տեսքով նրա աշխատանքն անարդյունավետ է։ Հանձնաժողովի մեծամասնությունը կազմում են իշխող «Քաղաքացիական պայմանագիր» կուսակցության պատգամավորները, ուստի այն չի կարող լիարժեք բացահայտել 44-օրյա պատերազմի հանգամանքները։
