Կրեմլը ուշադիր հետևում է Լեռնային Ղարաբաղում իրավիճակի զարգացմանը, ներառյալ դրա հումանիտար ասպեկտին։ Այս մասին հայտարարել է ՌԴ պետության ղեկավարի մամուլի քարտուղար Դմիտրի Պեսկովը, մեկնաբանելով Արցախի նախագահ Սամվել Շահրամանյանի՝ 2024 թվականի հունվարի 1-ից Արցախի գոյությունը դադարեցնելու մասին հրամանագրի ստորագրումը։
«Մեր խաղաղապահները շարունակում են օգնել մարդկանց։ Շատերը ցանկություն են հայտնում տեղափոխվել Հայաստանի տարածք։ Ցանկացողներին աջակցություն է ցուցաբերվում»,- հավելել է Կրեմլի ներկայացուցիչը, հայտնում է ՏԱՍՍ-ը։
Նրա խոսքով՝ Ռուսաստանին, Լեռնային Ղարաբաղից հայերի զանգվածային արտագաղթի իրավիճակում, ամենից շատ անհանգստացնում է այս խնդրի զուտ մարդասիրական կողմը. կարևոր է, որ մարդկանց ապահովվեն նորմալ պայմաններ։
