ԵՄ-ում Մշտական ներկայացուցիչների կոմիտեն (Coreper) համաձայնեցրել է հակառուսական պատժամիջոցները ևս վեց ամսով երկարաձգելու որոշումը: Այդ մասին Twitter-ում հաղորդել է Եվրամիության խորհրդում Իսպանիայի նախագահությունը։
«ԵՄ դեսպանները համաձայնել են երկարաձգել սահմանափակող միջոցները, որոնք վերաբերում են Ուկրաինայի տարածքային ամբողջականությանը», - ասված է հրապարակման մեջ:
Ռուսաստանի դեմ ԵՄ պատժամիջոցներն առաջին անգամ սահմանվել են 2014 թվականին և այդ ժամանակվանից երկարաձգվում են տարին երկու անգամ՝ հունվարին և հուլիսին, վեց ամսով։ 2022 թվականի փետրվարի 24-ից այս ռեժիմով հակառուսական պատժամիջոցների 11 փաթեթ է ներդրվել։ ԵՄ սահմանափակումները վերաբերել են ավելի քան 1,8 հազար ֆիզիկական և իրավաբանական անձանց։ Սա համայնքի պատմության մեջ պատժամիջոցների ամենախոշոր ռեժիմն է։
