Մոսկվան Երևանին վերաբերվում է որպես դաշնակցի, ՏԱՍՍ-ին ասել է ՌԴ փոխվարչապետ Ալեքսեյ Օվերչուկը Արևելյան տնտեսական ֆորումի (ԱՏՖ) շրջանակներում։
«Հայաստանը մեր դաշնակիցն է։ Հենց այդպես էլ վերաբերվում ենք Հայաստանին»,- ասել է Օվերչուկը՝ պատասխանելով հարցին, թե արդյոք վատթարացե՞լ են հարաբերությունները Հայաստանի հետ ինտեգրման կառույցներում։
«Օգոստոսի 27-ին տեղի է ունեցել Եվրասիական տնտեսական հանձնաժողովի խորհրդի նիստ։ Այնտեղ ամեն ինչ նորմալ էր»,- հավելել է ՌԴ փոխվարչապետը։
Երկրների մոտակա շփումները
Ռուսաստանի և Հայաստանի միջև շփումները կարող են տեղի ունենալ սեպտեմբերի 27-ին Եվրասիական տնտեսական հանձնաժողովի (ԵՏՀ) խորհրդի նիստի շրջանակներում, նշել է փոխվարչապետը։
«Սեպտեմբերի 27-ին ևս Եվրասիական տնտեսական հանձնաժողովի խորհրդի նիստ ունենք: Դա այն է, ինչ այժմ օրակարգում է»,- ասել է նա՝ պատասխանելով հարցին, սպասվու՞մ են արդյոք Ռուսաստանի Դաշնության և Հայաստանի միջև որևէ շփումներ։ .
Վերջին անգամ կողմերը ինտեգրացիոն կառույցների միջոցով շփվել են ԵՏՀ նախորդ Խորհրդի ժամանակ՝ օգոստոսի 27-ին, նշել է Օվերչուկը։
2023 թվականի սեպտեմբերի 10-13-ը Վլադիվոստոկում կանցկացվի Արևելյան տնտեսական VIII ֆորումը։ Նրա կարգախոսն է «Դեպի համագործակցություն, խաղաղություն և բարգավաճում»: Միջոցառումը կազմակերպել է Ռոսկոնգրես հիմնադրամը։
