GALLUP International Association-ի հայաստանյան ներկայացուցչության վերջին հարցման տվյալներով հարցվածների 32,1%-ը միանշանակ կարծում է, որ սեպտեմբերի 17-ին նշանակված Երևանի ավագանու ընտրություններն արդար չեն լինելու, ևս 19,5%-ը պատասխանել է «ավելի շուտ ոչ»։
«Միանշանակ այո» պատասխանել է 16,1%-ը, «ավելի շուտ այո»` 28,9%-ը, Հարցվածների 3,3%-ը դժվարացել է պատասխանել հարցին արդյոք Երևանի քաղաքապետի ընտրությունները կլինե՞ն արդար։
Հուլիսի 27-ից օգոստոսի 5-ը Երևանում անցկացված հեռախոսային հարցմանը մասնակցել է 809 հարցվող։
Երևանի ավագանու ընտրությունները տեղի կունենան այս տարվա սեպտեմբերի 17-ին։ 2018 թվականի սեպտեմբերի 23-ին ընտրված գործող ավագանու լիազորությունները լրանում են այս տարվա հոկտեմբերի 10-ին։ Հայաստանի մայրաքաղաքում քաղաքապետի աթոռը թափուր է այս տարվա մարտի 17-ին նախկին քաղաքապետ Հրաչյա Սարգսյանի հրաժարականից հետո։ Նրա պարտականությունները ժամանակավորապես կատարում է առաջին փոխքաղաքապետ Լևոն Հովհաննիսյանը։
