Երկուշաբթի առավոտից մի խումբ արցախցիներ և նրանց սատարող երևանցիներ փակել են Երևանի կենտրոնական մի շարք փողոցներ։ Մասնավորապես, որոշ ժամանակով արգելափակված էր Բաղրամյան պողոտան։
Նրանց ձեռքներում «Դադարեցնել Արցախի շրջափակումը», «Բացեք կյանքի ճանապարհը», «Մենք ոչ ենք ասում կեղծ հումանիզմին», «Մենք Արցախն ենք» գրառումներով պաստառներ էին։ Ակցիայի նպատակն է բարձրացնել Ադրբեջանի կողմից Արցախի շրջափակման խնդիրը, որը շարունակվում է արդեն 225 օր։
Ակտիվիստները քաղաքացիներին կոչ են արել դուրս գալ փողոց և միանալ իրենց։ Ոստիկանները բարձրախոսով հորդորում են բացել պողոտան: Ի պատասխան ակցիայի մասնակիցներից մեկը հայտարարեց, որ սա խաղաղ իրազեկման ակցիա է, որի նպատակն է քաղաքացիների ուշադրությունը հրավիրել Լեռնային Ղարաբաղում հայերի վիճակի վրա։ Նրա խոսքով, Արցախում հայրենակիցները հայտնվել են ծայրահեղ ծանր վիճակում:
