Հայաստանում կսահմանափակվի արտասահմանյան պետհամարանիշներով մեքենաների մշտական օգտագործումն, ասաց ՀՀ ՊԵԿ նախագահ Ռուստամ Բադասյանը։
«Կոմիտեի այս սկզբունքային դիրքորոշումը հիմնված է ԵԱՏՄ-ում սահմանված կանոնների, ինչպես նաև օրենքի առջև հավասարության սկզբունքի վրա։ Ա քաղաքացին ավտոմեքենա է գնում մաքսատուրքերի և ԱԱՀ-ի վճարմամբ, բայց այլ վճարումներով։ Միաժամանակ Բ քաղաքացին մեքենան ներկրում է առանց վճարումների։ Սխալ է թույլ տալ նման անհավասարություն բարեխիղճ գնորդների նկատմամբ»,- լրագրողներին ասաց Բադասյանը։
Միաժամանակ, ինչպես նշեց ՊԵԿ ղեկավարը, նախկինի պես մաքսազերծման չեն ենթարկվի այն մեքենաները, որոնցով Վրաստանի քաղաքացիները Հայաստան են գալիս հանգստի կամ աշխատանքային նպատակներով։
«Բայց եթե վրացական պետհամարանիշներով մեքենան ներկրվում է, որպեսզի հետո կանոնավոր վարեն, ապա անհասկանալի է դառնում, թե ինչու պետք է մյուս մեքենաների գնորդները հարկ վճարեն, իսկ նրանք՝ ոչ»,- պարզաբանեց Բադասյանը։
Նրա խոսքով, այս հարցով որոշում անպայման կկայացվի, բայց ոչ անմիջապես, որպեսզի այն անակնկալ չդառնա հանրության համար։
