Հայաստանի կառավարությունը սահմանեց կարուսելների շահագործման տեխնիկական անվտանգության կանոնները։ Համապատասխան որոշումն ընդունվեց հինգշաբթի օրը հանրապետության կառավարության նիստում։
Որոշման հիմնավորման մեջ նշվում է, որ Ներկայումս Հայաստանում տեխնիկական անվտանգության նորմեր, կանոններ և հրահանգներ սահմանող իրավական ակտը բացակայում է։ Կառավարության այս որոշման հիմնական նպատակը կարգավորող պահանջների մշակումն է, որոնց հիման վրա կապահովվի արտադրական վտանգավոր օբյեկտների անվտանգ շահագործումը։
