Հուլիսի 25-29-ը Մարիբորում (Սլովենիա) ընթացող Եվրոպական օլիմպիական փառատոնում հայ մարմնամարզիկները փայլուն են հանդես եկել։
Հայկ Նազարեթյանի գլխավորած Հայաստանի հավաքականն ունի վեց մեդալ, ինչը պատմական արդյունք է, հայտնում է մարմնամարզության ֆեդերացիան։
Անհատական վարժություններում Համլետ Մանուկյանը (օղակներ) և Մամիկոն Խաչատրյանը (նժույգ թափեր) նվաճել են ոսկե մեդալներ, իսկ Ռոբերտ Գյուլումյանը բրոնզե մեդալ է նվաճել ազատ վարժությունների մրցումներում։ Հայաստանի հավաքականը թիմային պայքարում զբաղեցրել էր երրորդ տեղը։
