Երևանը զբաղեցրել է 141-րդ տեղն ապրելու արժեքով ամենաթանկ քաղաքների վարկանիշում, որը հրապարակել է Mercer կազմակերպությունը։ 2022 թվականի համեմատ` Երևանը վարկանիշում բարձրացել է 56 կետով՝ առաջ անցնելով, մասնավորապես, տարածաշրջանի այլ երկրների մայրաքաղաքներից։
227 քաղաքների վարկանիշում Հայաստանի մայրաքաղաքին հաջորդում են Բաքուն (177-րդ տեղ), Թբիլիսին (181), Մինսկը (182), Ստամբուլը (185), Ալմաթին (208), Տաշքենդը (218), Անկարան (221), Դուշանբեն (223), Բիշքեկը (224):
Հոնկոնգը, Սինգապուրը և Ցյուրիխը ամենաթանկ քաղաքներն են ապրելու համար, իսկ Հավանան, Կարաչին և Իսլամաբադն՝ ամենաէժանն։
Mercer վարկանիշը կազմվում է մոտ 40 գործոնների գնահատման հիման վրա, ներառյալ` քաղաքական, տնտեսական, բնապահպանական և անձնական անվտանգությունն, ինչպես նաև առողջապահության, կրթության, տրանսպորտի և այլ հանրային ծառայությունների մակարդակը:
