Արցախի ժողովուրդը պահանջում է իր հայրենիքում անվտանգ կյանքի հուսալի երաշխիքներ՝ ՄԱԿ-ի մասնակցությամբ և առանց Ադրբեջանի ցեղասպան վերահսկողության, ասել է Արցախի նախկին պետնախարար, իրավապաշտպան Արտակ Բեգլարյանը։
«Բոլորը ճանաչում են Լեռնային Ղարաբաղի ժողովրդի՝ հայրենիք վերադառնալու իրավունքը: Գրեթե ոչ ոք չի խոսում այնտեղ կենսապայմանների մասին՝ ի տարբերություն Գազայի: Անվտանգ և արժանապատիվ կյանքի հուսալի երաշխիքներ են անհրաժեշտ ՄԱԿ-ի լիիրավ մասնակցությամբ և առանց Ադրբեջանի ցեղասպան վերահսկողության»,- գրել է Բեգլարյանը X սոցիալական ցանցում։
