Ադրբեջանական մարտական դիրքից կրակել են գյուղատնտեսական աշխատանքներ կատարող Արցախի քաղաքացու ուղղությամբ, հայտնում են Արցախի ՆԳՆ-ից։
«Հունիսի 25-ին, ժամը 16:00-ի սահմաններում հրաձգային տարբեր զինատեսակներով կրակել են Արցախի Մարտունու շրջանի Մյուրիշեն գյուղի 22-ամյա բնակիչ Միքայել Մեժլումյանի ուղղությամբ, որը Մյուրիշենից Ավդուռ տանող ավտոճանապարհի ձախակողմյան հատվածի դաշտում տրակտորով գյուղատնտեսական աշխատանքներ է իրականացրել»,- ասվում է հաղորդագրության մեջ։
Նշվում է, որ կրակոցների արդյունքում գյուղատնտեսական աշխատանքները դադարեցվել են։ Հաղորդումը փոխանցվել է ռուսական խաղաղապահ զորակազմին:
